Mogoditshane East ga a ise e simolole go bala
31 Oct 2024
Kgaolo ya Mogoditshane East ga e ise e simolole go bala ditalama.
Mo potsolotsobg, motlhophisi mogolo, Re Morapedi Ntwaagae o tlhalositse fa mabokoso a ise a goroge otlhe.
Rre Ntwaagae a re go gorogile mabokoso a le masome mabedi mo go a a masome mabedi le boferabongwe a a solofetsweng.
Kgaolo ya Mogoditshane East e ntsha e mgathilwe mo Mogoditshane go di dira pedi gore e nne Mogoditshane East le Mogoditshane west.
Mogoditshane East e emetswe ke bonthopeng ba mapalamente ba le bane.
Rre Ntwaagae o ne a thalosa gore Palo yotlhe ya batho ba ba ikwadiseditseng go tlhopa mo kgaolong ke 12 000.
A re tiego e bakilwe ke gore mongwe wa batlhophisi o ne a tsenelelwa ke dilalome kwa lapeng, ka moo a seka a iponatsa ka nako go tlhophisa mo go bakileng gore go tlhophisa mo kgaolong ya gagwe go simologe metsotso e le masome mararo go tlogela nako ya boferabobedi mosong.
Mo go tse dingwe o ne a re go nnile le modirela puso mongwe yo o neng a leka maiteko a go tlhopha ga bedi, ntswa a ne a tlhophile maloba.
A re o ne a kgona go lemogiwa a setse a latlhetse talama ya bokhanselara.
Rre Ntwaagae a re fa ba mmotsolosa o ne a supa fa a itse e bile a tlhaloganya se a neng a se dira, ka jalo ba mo neela mapodisi go mo lebisa molato. Bokhutlo
Source : BOPA
Author : Lesedi Thatayamodimo
Location : MOGODITSHANE
Event : 2024 General Elections
Date : 31 Oct 2024
Related News
29 Dec 2024
28 Dec 2024
CHOBE ENCLAVE CENTRAL BYE-ELECTION COMMENCES
01 Nov 2024
Tswapong North goes to UDC
01 Nov 2024
Tshere retains Mahalapye West
01 Nov 2024
Dikoloti wins Goodhope - Mmathethe
01 Nov 2024