21 Jul 2024

Banni ba kgaolo ya Okavango ba rotloeditswe go phepafatsa le go ntlafatsa malwapa le metse ya bone.

Molaodi wa kgaolo ya Okavango Rre William Keareng o buile se bosheng kwa letsatsing la go phepafatsa motse wa Tsodilo.

A re kgaolo ya Okavango e ntle, e humile ka ditsa tlholego ebile e le boremelelo jwa bojanala ka jalo e tshwanetse go nna phepa go ngoka bajanalala. ngwaga lenaneo la go fetola dik

O tlhalositse fa lefatshe la Botswana le ya go ipele ngwaga lenaneo la go fetola dikakanyo (Mindset Change) le boloditswe ka jalo kgaolo ya Okavango e le yone e tlhophilweng go tshwara mokete oo kgwedi eno e tlhola masome a mararo kwa Seronga.

Rre Keareng o ne a re go ipela moo go ya go lemoga le go atswa metse le dikgaolo tse di ntlafaditsweng le tse di phepa mo kgaolong ya Okavango le mo lefatsheng lotlhe. O ne a re go botlhokwa gore banni ba Okavango ba tswelele ka moono wa phepafatso le morago ga mokete wa go fetola dikakanyo le mogopolo.

O supile fa kgaisano tsa go tlhopa motse o o gaisang e mengwe ka bophepa mo Okavango e tlaa tshwarwa kgwedi eno e le masome mabedi le botlhano kwa Shakawe.

Rre Keareng o bile gape a tlhalosa fa go tlaa tshwarwa letsatsi la phepafatso tikologo e e tseneletseng kwa Gumare ka Labobedi kgwedi eno e tlhola masome a mabedi le boraro.

Ka jalo Rre Keareng o ne a re badiri botlhe ba puso le ba ba ikemetseng le morafe ba kgotlhadiwa go tsaya karolo mo phepafatso tikologo eo, a re motse wa Gumare o tshwanetse go lebega ka ele one o mogolo mo kgaolong ya Okavango. BOPA