29 Dec 2023

Tautona, Dr Mokgweetsi Masisi o ne a etetse ba lelwapa loora Mookodi kwa Bontleng, Gaborone, go ba tshedisa morago ga go tlhokafalelwa ke motsadi, Mme Emily Mookodi. Mme Mookodi o tlhokafetse kgwedi eno e le masome mabedi le bobedi, morago ga go lwala ka tshoganetso. Mo molaetseng wa gagwe wa matshediso, Dr Masisi o tlhalositse fa bone le boora Mookodi ba tshedile mmogo. A re Mme Mookodi o ne a le senatla e bile ba itsile ditso di le dintsi ka ene. Tautona o supile fa Mme Mookodi a ba rutile bomolemo le gore motho ke motho ka batho. Mme Mookodi o bereketse makalana a le mmalwa jaaka Young Women Christian Association, Botswana Housing Corporation. O kile a ne e le morutabana. O tlogela bana ba le barataro, borre ba le bararo le bomme ba le bararo. Mme Mookodi o bolokwa ka Matlhatso kgwedi eno e le masome mararo mo Gaborone. Bokhutlo