Lesea le bonwe le latlhetswe mo tshutheng fa tlase ga tsela
11 Sep 2023
Mapodise a Serowe a mo patlong ya batsadi ba lesea le le setsweng kwa kgotleng ya Sebinanyana go bapa le marekisetso a Saverite mo Serowe.
Superintendent Poloko Oteng o tlhalositse fa banni bangwe ba ne ba feta ka tsela fa ba bona le sea leo le phuthetswe ka borokgwe fa tlase ga tsela, mme ba begela mapodisi.
Mapodisi ba ne ba ragosetsa lesea leo kwa kokelong ya Sekgoma mo Serowe mme ba bongaka ba tlhalosa fa le santse le tsogile sentle.
Rre Oteng o kopile morafe go ba thusa mo patlong ya batsadi ba lesea leo, le le santseng le le ka fa tlhokomelong ya ba bongaka.
O boletse fa tiragalo eo e le ya boraro ngwaga ono mo Serowe, a bolela fa ngogola ba ne ba begelwa ka lesea le le latlhilweng le le lengwe. Bokhutlo
Source : BOPA
Author : Tshiamiso Mosetlha
Location : Serowe
Event : Potsolotso
Date : 11 Sep 2023
Related News
29 Apr 2025
29 Apr 2025
Tona o akgola BAGS
29 Apr 2025
Ngwana o thudilwe ke koloi
28 Apr 2025
Maranyane a tlhabolola itsholelo le matshelo
27 Apr 2025