Ba le barataro ba tlhokafetse mo kotsing
03 Mar 2023
Mapodisi a Lobatse a tlhotlhomisa tiragalo e mo go yone batho ba le barataro ba tlhokafetseng mo kotsing ya tsela kwa Molapowabojang ka Labone.
Mookamela mapodisi a Lobatse, Superintendent Baakile Moshashane o Boleletse BOPA mo potsolotsong gore teraka e e rwalang dithoto e e neng e tswa Afrika Borwa e ya Namibia e thudile khombi e e neng e pegile batho ba le lesome le borataro, mme batho ba le barataro ba dingwaga tse di fa gare ga lesome le boferabongwe go ya kwa go tse di masome matlhano le boraro ba tlhokafala.
A re bapalami ba bangwe ba bone le dikgobalo tse di masisi mo e bileng ba fetiseditswe kwa kokelong ya Marina kwa Gaborone morago ga go bonwa ke ba bongaka kwa kokelong ya Athlone kwa Lobatse.
Ba le bane ba alafetswe dikgobalo tse dipotlana mme ba gololwa. BOKHUTLO
Source : BOPA
Author : Grace Sebati
Location : KANYE
Event : Potsolotso
Date : 03 Mar 2023
Related News
29 Apr 2025
29 Apr 2025
Tona o akgola BAGS
29 Apr 2025
Ngwana o thudilwe ke koloi
28 Apr 2025
Maranyane a tlhabolola itsholelo le matshelo
27 Apr 2025