18 Dec 2022

Setlhopha sa bomme ba le lesome le botlhano se se ipitsang Mosadi Thari se abetse Mme Debe Tsiqgo wa D’kar dijo bosheng.

Fa a rola mpho eo, e e lopileng dipula tse sekete le lekgolo, leloko la sethopha seo, Mme Beauty Tebele a supa fa maikaelo a bone e le go dira pharologanyo mo matshelong a bangwe.

Mme Tebele a re bomme bao ba berekela khamphane ya dikago ya EH, e e thapilweng ke moepo wa Sandfire.   A re ba kokoanya madi go tswa mo dipateng tsa bone go thusa, a tlatsa ka gore ba tlaa tswelela ka tiro eo mo mafelong a a farologaneng.

Fa a tswa la gagwe, leloko la kereke ya Church Reformed Church Council, Rre James Morris a re maiteko a Mosadi Thari a tshwanetse go opelwa legofi le go rotloediwa gore ba kgone go ama matshelo a batho ba le bantsi.

Fa amogela mpho, Mme Tsiqgo o ne supa fa ba lelwapa la gagwe le bone ba tlaa ja keresemose e e monate. BOKHUTLO