24 Feb 2022

Modulasetilo wa khansele potlana ya Maun, Rre Vepaune Moreti, a re go gola ga dikgang tsa kgokgontsho ya bana go a tshwenya.

Rre Moreti o buile se mo phuthegong ya khansele potlana eo bosheng. O tlhalositse fa lephata la boipelego le gatisitse dikgang di le lekgolo le masome a matlhano le bongwe mo nakong ya gompieno mme tse di masome a ferangbobedi ke tsa thubetso le tiriso botlhaswa ya bana mo go tsa tlhakanelo dikobo.

A re dikgang tsa tiriso botlhatswa ya bana mo go tsa tlhakanelo dikobo di godile go tswa mo go tse masome a supa le bone mo nakong e fetileng fa a fa pego ya khansele.

Le fa gontse jalo, Rre Moreti o supile fa lenaneo la go tlhokomela bana ba ba senang batsadi le batlhokomedi le simolodisitswe mo kgaolong ya gagwe mo ngwageng oo fetileng go laola seemo sa kgokgontsho ya bana.

A re lenaneo leo le diretswe go thusa bana ba ba tlhokang go babalelwa. BOKHUTLO