Monna o shetse mo ntlong
02 Feb 2022
Mookamela mapodise a Mochudi,
Superintendent Smash Mokoba a re ba tlhotlhomisa tiragalo e mo go yone rre mongwe a shetseng mo ntlong kwa masimong a Tshukudu kwa kgaolong ya Kgatleng.
Supt Mokoba o tlhaloseditse gore kotsi e diragetse ka nako ya bobedi mosong ka Matlhatso.
A re rre yoo, wa dingwaga tse di masome mabedi le bongwe o ne a ragosediwa kwa kokelong ya Deborah Retief Memorial, kwa go fetileng ga rurifadiwa fa a tlhokafetse.
O supile fa moswi a nnile le dikgobalo tse di masisi mme a santse a le kwa setsidifatsing go tlhatlhojwa ke ngaka. A re ditlhotlhomiso tsa mapodise di santse di tsweletse go tlhotlhomisa gore molelo o katswa o bakilwe ke eng mme a gakolola setshaba go rurifatsa gore dipone tsa parafene kgotsa dikerese di timilwe nako le nako fa di se mo tirisong. BOKHUTLO
Source : BOPA
Author : Sandra Sethaiso
Location : Gaborone
Event : Kotsi
Date : 02 Feb 2022
Related News
29 Apr 2025
29 Apr 2025
Tona o akgola BAGS
29 Apr 2025
Ngwana o thudilwe ke koloi
28 Apr 2025
Maranyane a tlhabolola itsholelo le matshelo
27 Apr 2025